மின்னல் மின்னியும் மழை வரவில்லை

தொடுத்து வச்ச மொட்டும் அவள்

எடுத்து வைக்க ஆளின்றி 

கடுத்து மனம் உள்ளிருந்து 

விடுத்து சென்றது ஆசை பல....

நித்தம் நித்தம் பூக்காம அவள்

சத்தமின்றி காயப்பட்டுச் சந்தையிலே

எத்தன் யாரென்று காத்திருந்து

வித்தன் மேல் கொண்ட ஆசை பல....

பூக்காத பூவென்ற மொட்டான அவள்

சிக்காத மாதுமது சந்தையிலே

விற்காத ரோசா இதழ்விரித்து

கருக்காது கொண்ட ஆசை பல...

விரிக்காத பாயினிலே துயில அவள்

கரிக்காத அன்போடு சந்தையிலே

சிரிக்காத முகத்திற்கும் இதழிட்டு

எரிக்காது கொண்ட ஆசை பல...

ஒன்று வர காத்திருந்து அவள்

நின்று நின்று நொந்தது சந்தையிலே

கன்று காண பசுவுமது காத்திருந்து

என்றும் தீரா கொண்ட ஆசை பல...

தீர்ந்திடும் கவலையெல்லாம் காத்திருந்து அவள்

தீரா ஆசையோடு நீர்த்தது சந்தையிலே

தீர்ந்தது கனவோடு கன்னியுமே காத்திருந்து

தீரந்தது ஆசையும் காலத்தோடு பல...

மின்னல் மின்னியும் மழை வரவில்லை

மிரண்டனவோ கார் மேகம் கூடி கொட்டிடவோ

மின்னல் கொடி வாழ்க்கையில் மகிழ்ச்சியினை

மின்னாமல் மிளிர்ந்தவள் அந்த முதிர்கன்னி....