ஒத்த வில்லை மனமென்றால் ஒன்றாக
ஒத்தாத மனங்கள் இணைந்தென்ன லாபம்
ஒத்த வில்லை உளமென்றால் ஒன்றாக
ஒத்தாத உளங்களில் உயிர்ப்புகள் இல்லை...
ஒத்து வாழ்தல் பெரும் திட்டமல்ல
ஒத்து போதல் பெரும் பாடுமல்ல
ஒத்து செல்லுதல் பெரும் கடினமல்ல
ஒத்து இருத்தல் விட்டுக் கொடுத்தலே...
ஒத்த கருத்துகளை மிஞ்ச போவதில்லை
ஒத்தாத கருத்துகள் விஞ்ச போவதில்லை
ஒத்தும் ஒத்தாதவைகள் கெஞ்சும் சிலநேரம்
ஒத்த மனதை நஞ்சாக்கும் பலநேரம்...
ஒத்து போதல் விட்டுக் கொடுத்தலே
ஒத்து போங்கள் விருப்ப மிருந்தால்
ஒத்து இருங்கள் சுய மிருந்தால்
ஒத்து ஒத்திருங்கள் தனிமை பாதிக்காமல்...
No comments:
Post a Comment